Just open a Bet365 account today and make a deposit http://abonuscode.co.uk Make a deposit of £10-£200 and then enter the 10-digit bonus code

အသင်းဖွဲ့စည်းခြင်း

မေတ္တာရှင်အသင်း (တောင်ကြီး) ၏ လုပ်ငန်းများကို စိတ်ပါဝင်စားသူများနှင့် ဖွဲ့စည်းရမည်။ အသင်း၏လုပ်ငန်းများကို အောက်ပါ အဖွဲ့အစည်းများဖြင့် စီမံခန့်ခွဲ ဆောင်ရွက်ရမည် -

သြဝါဒစရိယဆရာတော်ကြီးများအဖွဲ့။
ဦးစီးပဓာန နာယကဆရာတော်။
နာယကအဖွဲ့။
အလုပ်အမှုဆောင်အဖွဲ့။

သြဝါဒစရိယ ဆရာတော်ကြီးများအဖွဲ့ ဖွဲ့စည်းခြင်း၊ သက်တမ်းနှင့် သြဝါဒခံယူခြင်း

သြဝါဒစရိယ ဆရာတော်ကြီးများအဖွဲ့ကို နိုင်ငံတော်နှင့် အများပြည်သူတို့ ကြည်ညိုလေးစားသော ဆရာတော်ကြီးများဖြင့် ဖွဲ့စည်းရမည်။ သြဝါဒစရဆရာတော်ကြီးများအဖွဲ့ကို အဖွဲ့ဝင် (၉) ပါးဖြင့် ဖွဲ့စည်းရမည်။ ထို့အပြင် အချိန်အခါအရ ပြုပြင်ပြောင်းလဲလာသည့် အခြေအနေပေါ်မူတည်၍ သြဝါဒစရိယ ဆရာတော်ကြီးများ အဖွဲ့ကို တိုးချဲ့ ဖွဲ့စည်းနိုင်သည်။
သြဝါဒစရိယဆရာတော်ကြီးများ၏ သက်တမ်း ကန့်သတ်ချက် မရှိစေရ။ ဆရာတော်ကြီးများ၏ ဆန္ဒ အတိုင်း ဖြစ်စေရမည်။
သြဝါဒစရိယဆရာတော်ကြီးများထံမှ အနည်းဆုံး (၁)နှစ်လျှင် (၁)ကြိမ် သြဝါခံယူရမည်။ သြဝါဒစရိယ ဆရာတော်ကြီးများ၏ သြဝါဒမိန့်ကြားချက်များကို ဦးစီးပဓာန နာယကဆရာတော်၊ နာယကအဖွဲ့နှင့် အလုပ်အမှု ဆောင်အဖွဲ့က လိုက်နာဆောင်ရွက်ရမည်။

ဦးစီးပဓာန နာယက ဆရာတော်တင်မြောက်ခြင်း၊ သက်တမ်းနှင့် ညွှန်ကြားမှု ပေးခြင်း

အသင်း၏ လုပ်ငန်းများကို စိတ်ပါဝင်စားပြီး အသင်းတိုးတက် အောင်မြင်ရေးအတွက် အဘက်ဘက်က ကူညီဆောင်ရွက်ပေးလျှက် အနီးကပ် ကြီးကြပ်ပေးနိုင်သော ဆရာတော်အား ဦးစီးပဓာနနာယက ဆရာတော်အဖြစ် တင်မြောက်ရမည်။
ဦးစီးပဓာန နာယကဆရာတော်၏ သက်တမ်း ကန့်သတ်ချက် မရှိစေရ။ ဆရာတော်၏ ဆန္ဒအတိုင်း ဖြစ်စေရမည်။
ဦးစီးပဓာန နာယက ဆရာတော်သည် အသင်းတိုးတက် အောင်မြင်စေရေးအတွက် နာယကအဖွဲ့နှင့် အလုပ်အမှုဆောင်အဖွဲ့အား မှန်ကန်ကောင်းမွန်သော လမ်းညွှန်ချက်များ ချမှတ်ပေးပြီး ဆောင်ရွက်စေရမည်။
ဦးစီးပဓာန နာယက ဆရာတော်သည် အလုပ်အမှုဆောင်အဖွဲ့၏ လစဉ်ပုံမှန်အစည်းအဝေး၊ အထူးအ ရေးပေါ် အစည်းအဝေးများနှင့် နှစ်ပတ်လည်သင်းလုံးကျွတ် အစည်းအဝေးများတွင် တက်ရောက်၍ အသင်း၏လုပ်ငန်းများ တိုးတက်အောင်မြင်စေရေးအတွက် လိုအပ်သည်များကို ညွှန်ကြား တာဝန်ပေးအပ်ရမည်။